12‏/11‏/2008















....حدث فى مثل هذا اليوم....





فى مثل هذا اليوم حدث شئ احزن قلبى جدا





شئ احزن قلبى لدرجة الموت....لدرجة الجنون والبكاء





شئ اصعب من موت الغالى والعزيز ................





اليوم هو 12/11/2007





ياريت مواليد هذا اليوم مش يزعلوا منى ولكن الحقيقة ان اليوم ده اصعب يوم فى حياتى.....




اليوم ده كان الفراق بينى وبين اكتر انسانه حبتها وفى نفس الوقت اكتر انسانه جرحتنى؟؟؟؟؟؟؟؟




انا عارف ان ممكن معظم الناس تستغرب بس هى دى الحقيقة......










انا مش عارف الى الان ايه السبب من الفراق ده ....دعونى اقص عليكم!!




انا وهى كنا اكتر اتنين بيحبوا بعض وكان بعض الصحاب يعرفون بالامر هى دى الغلطه انك تعرف ناس كنت بتثق فيهم ولكن تطلع غلطان فى الاخر ولكن خلينا فى موضوعنا.....




وبعد ما كنا اكتر اتنين بيحبوا بعض ..




، فى يوم من الايام وبدون مقدمات ما عدتش بترد على وعلى مكلاماتى ولما اصريت انى اعرف ايه الى حصل ..قالت:




احنا مش ينفع نكمل مع بعض !!




انا:ليه هو انا عملت حاجة؟




هى:انت ما عملتش حاجة بس سبنى برحتى مش هينفع!!وخلاص




انا:طيب هو فى حد تانى ؟




هى:انت مجنون بقالى معاك 3 سنين وبعدين تقولى فى حد تانى كنت عرفت حد تانى من زمان!!




انا: طيب ليه ؟




هى:هو كدة ولا انت عيزلى المشاكل؟




انا:لالالا انا مقدرش ان اسبب ليكى المشاكل! بس الشاكل عمرها ما عرفت طريقنا من 3 سنين لسه جايه بعد كل ده؟؟




هى : الى حصل ويا ريت مش تضغط عليا!! ممكن




انا: ممكن بس مش هنساكى ولو عيزه ترجعى فى اى وقت انا موجود!! مع السلامة يا احلى واقسى انسانه







وتحولت ايامى من بعد هذا اليوم الى حزن وبكاء....




تخيل انك كنت بتكلم انسان الامس واليوم مش عايز حتى يكمل جمله معاك..


اصبح الحزن حولى من كل جهه


ولكن بعد حزن شديد استمر قرابت شهر قررت انى اتغير واحاول اتصلح ...........

ولكنى لان انساكى!!!!!!!!

14‏/10‏/2008

نظرة معبرة


اليوم انا هحكلكوا موقف حصلى اثر فى اوى ........
وانا راجع من الجامعة كنت سعيد ماشى مع صحابى وعملين نضحك ونهزر ومش فى دمغنا حاجة

واحنا مروحين رحنا موقف العربيات للبيت لاقيت مظر صدمنى ............

منظر هزنى اوى وظليت واقف مكانى لمدة كبيرة اوى على ولكن فى الحقيقة هى دقيقة واحدة بس.......

المنظر هو....... طفل نايم فى الشارع شبه عارى

الصورة كانت افظع من كدة ........

وجه صحابى وندونى عشان اركب معاهم وقعدوا يقلولى ........(ايه المظر مؤثر يا بيضه هههههههههه)

وانا انكرت وعديت الموضوع ولكن الحقيقة ان انا اقلت اقصر وانهى الموضوع عشان مش يتريق عليا


واقعت فى الميكروباص افكر اقلت لو الاطفال دول ماقوش حد يرعاهم هيبقى مصيرهم ايه اكيد الادمان او الاجرام

وفكرت ان ابدء بنفسى وزعلت جدا ان مش قدمت حاجة للطفل ده...

والحقيقة فكرت ان اعمل جماعة عندنا فى الجامعة لحماية الاطفال دول وان جميع الناس يشركوا فيها........

وياريت تكون فى مدونة كاملة متخصصة فى مساعدة الاطفال دول وتوجيه نظر الناس ليهم
والله الموفق.......

ودلوقتى هسبكوا تتاثروا شويه.........






















.................تحياتى ...................

القناص))

12‏/10‏/2008


انا مستغرب عليكوا يا شباب فين التعليقات مش مفروض تشجعوا الوجوة الجديدة لالالالالامكنش العشم
5 تعليقات بس........
وفين استطلاع الراى ده السؤال جميل والله ( افضل مسلسل فى رمضان؟)
انا بجد زعلالالالالالالالالالان........

10‏/10‏/2008

سااااعدونى برايكم

بسم الله الرحمن الرحيم
الف مبروك تم افتتاح اول مدونة عالمية دولية عامة ولجميع الناس .....
وذلك اليوم الموافق 10/10/2008
اكلمكم شوية على المدونة هى عبارة عن اقتناص للاحداث .....
ولكن الحقيقة ان انا حبيت ان اخلى اول موضوع عبارة عن جمع للآراء وللمواقف ول اى حد نفسه يقول اى حاجة واى شئ ...
وده ايميلى لاى حد نفسه يقول حاجة

e-mail: h2_friends@yahoo.com